طريقة عمل كيك اللوز السويسري بطريقة سهلة وبسيطة من الشيف خلود عتيق
- مقادير عجينة التارت
- 100 جرام من السكر
- 250 جرام من الزبدة
- نص كيلو من الطحين الابيض
- 2 بيضة
- معلقة صغيرة من الفانيليا
طريقة تحضير عجينة التارت
نقوم بخلط جميع المكونات مع بعضها جيدا ثم نضع العجينه فى الثلاجة حتى ان تتماسك مرة ثانية وبعد كدة نفردها ونستخدمها فى التارت وهو دة شكلها النهائى بعد مافردناها والشريحة الاخرى من العجين ونشكلها على شكل شرايط طولية بنزين بيها القالب
- مقادير الحشو
- 250 جرام من السكر البودر
- 250 جرام من طحين اللوز
- 100 جرام من الطحين
- 225 جرام من الزبدة الطرية
- 2 بيضه
- معلقة صغيرة من الفانيليا
- معلقة صغيرة من البيكنج بودر
- مربى المشمش
- الفستق المجروش
نأخذ مقدار الزبدة الطرية
ثم نضيف السكر البودر فوق الزبدة ونخلطهم جيدا مع بعض 
ودة شكل الزبدة مع السكر بعد ماخلطناهم مع بعضهم جيدا
وبعد كدة نضيف عاليهم مقدار البيض والفانيليا
ونخلطهم جيدا مع بعضهم وهو دة شكلهم بعد ماخلطناهم
ثم نضيف عاليهم مقدار اللوز
ثم نضيف عاليهم مقدار الطحين المخلوط بالبيكنج بودر ثم نخلطهم جيدا مع بعض جيدا
وهو دة شكل العجين بعد ماخلطناها
ثم نأخذ شوية من مربى المشمش ونضعها على التارت فى القالب
بعد ماوزعنا مربى المشمش على التارت نضيف عاليه الفستق 
ثم نضيف فوقهم خليط اللوز ثم نوزع الخليط بالتساوى فى القالب
بعد ماوزعنا عجينة اللوز على التارت نضيف عاليها شرايح من السابلية اللى عملاناها على شكل طولى
ثم نضع التارت فى الفرن ونضعه على درجة حرارة 180 درجة لمدة نص ساعه حتى ان يستوى
وهو دة شكل التارت بعد ماتحمر فى الفرن
عشان نزينها تزين بسيط نأخذ الفرشة وندهن أطرفها بقليل من مربى المشمش ثم نزينها بالفستق من الاطراف ونضعه فوق المربى عشان يلتصق الفستق فى المربى
وهو دة الشكل النهائى لوصفة كيك اللوز السويسرى وبالف هنا وشفا يارب تنال اعجبكم من موقع أكلات
هو دة شكل الوصفة النهائى
